1Ki 9:10-15 | SwhKC | STEP | Miaka ishirini ilipopita, ambayo katika hiyo Sulemani alijenga majengo haya mawili, yaani Hekalu la Bwana na jumba la kifalme,

1 Kings 9:10-15

10 ^aMiaka ishirini ilipopita, ambayo katika hiyo Sulemani alijenga majengo haya mawili, yaani Hekalu la Bwana na jumba la kifalme, 11 ^bMfalme Sulemani akampa Hiramu mfalme wa Tiro miji ishirini katika Galilaya, kwa sababu Hiramu alikuwa amempatia mierezi yote, misunobari na dhahabu yote aliyohitaji. 12 ^cLakini Hiramu alipotoka Tiro kwenda kuiona ile miji ambayo Sulemani alikuwa amempa, hakupendezwa nayo. 13 ^dHiramu akauliza, “Hii ni miji ya namna gani uliyonipa, ndugu yangu?”

Naye akaiita nchi ya Kabul, ^{▼▼ Kabul maana yake isiyofaa kitu.} jina lililoko hadi leo. 14 ^fBasi Hiramu alikuwa amempelekea mfalme talanta 120 ^{▼▼ Talanta 120 za dhahabu ni sawa na tani 4.5.} za dhahabu.

15 ^hHaya ni maelezo kuhusu kazi za kulazimishwa ambazo Mfalme Sulemani, alivyowafanyiza watu ili kulijenga hekalu la Bwana, na jumba la kifalme yake mwenyewe Milo, ^{▼▼ Milo maana yake Boma la Ngome, pia 9:24.} ukuta wa Yerusalemu, Hazori, Megido na Gezeri.